1 батон, 2 помидор, 1 тоҙло ҡыяр, 5 аш ҡалағы майонез, 200 грамм колбаса, 3 аш ҡалағы тоҙло бәшмәк, 2 йомортҡа, 200 грамм ҡаты сыр.
Йомортҡа, помидор, ҡыяр һәм колбасаны турарға. Ә сырҙы эре ҡырғыс аша үткәрергә. Батондың өҫкө яғы буйлатып ҡырҡып алына һәм эсен кәрзин һымағыраҡ саҡ ҡына соҡоп бушатырға кәрәк. «Кәрзин»дең ситтәре һәм төбөнә майонез буярға ла ҡыяр, колбаса, бәшмәк, помидор һәм йомортҡаны ҡатлап теҙергә. Иң өҫкә сыр һибелә. Һуңынан батонды ҡырҡып алынған өлөшө менән ҡаплап, 15 – 20 минутҡа мейескә ҡуйырға.