Республика райондарындағы, ҡалаларындағы төбәк-ара йәмәғәт ойошмаһы «Урал» башҡорт халыҡ үҙәге филиалдары, урындағы башҡорт йәштәре, ырыу һәм ҡатын-ҡыҙҙар ойошмалары етәкселәренә

РФ Президентын һайлау компанияһы башланыу сәбәпле Башҡортостандың ҡайһы бер төбәктәрендә башҡорт йәмәғәт берекмәләре үҙ инициативалары менән зона йыйылыштары үткәрергә әҙерләнә.
Билдәле булыуынса, «Урал» үҙәгенең филиалдары 5 зонаға (төбәккә) бүленгән: көнъяҡ-көнсығыш (үҙәк – Сибай), үҙәк (үҙәк – Өфө), көнъяҡ-көнбайыш (үҙәк – Салауат), төнъяҡ-көнбайыш (үҙәк – Нефтекамск), төнъяҡ-көнсығыш (үҙәк – Мәсәғүт).
Йыйылыштың көн тәртибе тәҡдим ителә.
Көн тәртибе:
1) Башҡортостанда барлыҡҡа килгән әлеге ижтимағи-сәйәси ситуация тураһында
2) Башҡорт йәмәғәт мөхитендәге ситуация тураһында
3) РФ Президентын һайлау тураһында
4) Резолюциялар, мөрәжәғәттәр ҡабул итеү
5) Төрлө мәсьәләләр
Йыйылышты ғинуар – февраль айҙарында үткәреү һәм Өфөнән йәмәғәтселек вәкилдәрен, ғалимдарҙы, милли интеллигенция әһелдәрен саҡырыу тәҡдим ителә.

Төбәк-ара йәмәғәт ойошмаһы «Урал» башҡорт халыҡ үҙәге